Avropa İttifaqı (Aİ) ilə Böyük Britaniya arasında “Brexit” sonrası münasibətlərə dair danışıqlarda bəzi müsbət dəyişikliklər var.
TASS xəbər verir ki, bu barədə Avropa Komissiyasının prezidenti Ursula von der Leyen İqtisadi Əməkdaşlıq və İnkişaf Təşkilatının (OECD) yaradılmasına dair konvensiyanın imzalanmasının 60 illiyi münasibətilə keçirilən onlayn konfransda bildirib.
“Artıq doğru istiqamətdə irəliləyiş var, bu da yaxşıdır. Köhnə dostlar üçün yeni başlanğıc olacaq. Danışıqların sonuna aparan, mühüm əhəmiyyət daşıyan xətt üzərindəyik… Ədalətli oyun qaydaları istəyirik. Həm də bu qaydalar təkcə Aİ üzvlüyünü tərk edərkən yox, daha uzun müddət ərzində qüvvədə qalsın”, – deyə Avropa Komissiyasının rəhbəri vurğulayıb.
