26 C
Baku
Thursday, May 30, 2024

Bu gün Braziliyada prezident seçkilərinin ikinci turu keçiriləcək

Bu gün Braziliyada ölkənin növbəti dörd il üçün gələcək prezidentini müəyyən edəcək seçkilərin ikinci turu keçiriləcək.

Seçki məntəqələri əsasən yerli vaxtla saat 8:00-dan (Bakı vaxtı ilə saat 15:00) saat 17:00-a qədər açıq olacaq, ölkənin bir sıra şəhərlərində məntəqələrin iş saatları bir qədər fərqlidir.

İkinci turda braziliyalılar namizədlərdən hansının – hazırkı dövlət başçısı Jair Bolsonaru və ya müxalifətin namizədi Luis İnasiu Lula da Silvanın vəzifəyə seçiləcəyinə qərar verməli olacaqlar, çünki birinci turda namizədlərdən heç biri 50+1 faizlik səs baryerini aşa bilməyib. Bolsonaro sağ təmayüllü, Lula da Silva sol təmayüllü qüvvələri təmsil edir.

Oktyabrın 2-də keçirilən birinci turun nəticələrinə görə, braziliyalılar səslərin 43,2 faizini ölkənin hazırkı Prezidenti Bolsonaruya, 48,4 faizini isə 2000-ci illərin əvvəllərində və ortalarında uğurlu sosial-iqtisadi islahatlarla yaddaşlarda qalan sabiq prezidenti Lula da Silvaya verib.

Lula da Silva ikinci turdan əvvəl deyib ki, əgər seçkilərdə qalib gələ bilsə, 2026-cı ildə keçiriləcək növbəti səsvermədə yenidən seçilməyə cəhd etməyəcək.

Son xəbərlər
 ⁠
Digər xəbərlər