Hazırda Azərbaycanda vergi sisteminin inkişafı ilə bağlı yeni strategiya hazırlanır.
Bunu İqtisadiyyat Nazirliyi yanında Dövlət Vergi Xidmətinin rəisi Orxan Nəzərli “Heydər Əliyev və Azərbaycanın vergi sistemi: yeni çağırışlara doğru” mövzusunda keçirilən konfransda çıxışı zamanı deyib.
“Bu strategiya çərçivəsində biz bu il yeni Vergi Məcəlləsini hazırlayıb bitirə bilərik”, – deyə O.Nəzərli bildirib.
Qeyd edək ki, Vergi Məcəlləsi 2001-ci il yanvarın 1-dən qüvvəyə minib və hər il sənədə dəyişikliklər edilir.
