“WhatsApp” messenceri bəzi köhnə iPhone modellərində işini dayandıracaq. Banker.az “Secretmag”a istinadən xəbər verir ki, yaxın aylarda iOS 11 və iOS 12 əməliyyat sistemlərinin dəstəyi dayandırılacaq.
Bu o deməkdir ki, iPhone 5 və iPhone 5C smartfonlarında “WhatsApp”dan istifadə etmək mümkün olmayacaq, çünki onlar iOS 12 əməliyyat sistemini dəstəkləmirlər. Bildirildiyi kimi, sözügedən modellərdə 24 oktyabr 2022-ci il tarixindən etibarən “WhatsApp” işləməyəcək.
Əməliyyat sistemi yeniləndiyi təqdirdə, proqram iPhone 5S, iPhone 6 və iPhone 6S smartfonlarında işləyəcək.
