“Burger King” rebrendinq edəcək: loqosunu və vizual tərzini dəyişdirəcək.
Banker.az bu barədə “Vc.ru”ya istinadən xəbər verir.
Qeyd edək ki, şəbəkə son 20 ildə ilk dəfədir dizaynını yeniləyir.
Yeni loqo 1969-1999-cu illərdəki loqoya bənzəsə də, müasir “digital” formata uyğunlaşdırılıb. “Yeni minimalist üslub markanın təkamülünə qüsursuz şəkildə uyğun gəlir, eyni zamanda uzun müddətdir istifadə etdiyimiz konsepsiyanı qoruyur: inamlı, sadə və əyləncəli dizayn”, – şirkətdən bildirilib.
Reduzayn həm də menyu, işçilərin geyimi, sosial şəbəkələri, marketinq strategiyasını və restoranların növünü əhatə edəcək.
Yeni şrift “Od” adlanır və şəbəkənin “ləzzətli” yeməkləri ilə əlaqələndirilir.
Loqodan əlavə, yeni qablaşdırma üzərində yeməklərin hazırlandığı ərzaqların təsviri yer alacaq.
Rebrendinq prosesində “Jones Knowles Ritchie” (JKR) kreativ şirkəti iştirak edib. Bəzi dəyişiklikləri artıq 2021-ci ildə izləyə biləcəyik.
