Ukraynada hərbi əməliyyatlar, inkişaf etmiş ölkələrdə tənzimləyicilər tərəfindən tətbiq edilən yüksək faiz dərəcələri və COVID-19 pandemiyasının təsiri 2023-cü ildə qlobal ÜDM artımının yavaşlamasına səbəb ola bilər. Bu proqnozu oktyabrda qlobal ÜDM-in artımı ilə bağlı təxminlərini 2.9%-dən 2.7%-ə endirən Beynəlxalq Valyuta Fondu (BVF) verib.
Banker.az bu barədə “Kommersant”a istinadən xəbər verir.
“G20 ölkələrində iqtisadi artım göstəriciləri onun kiçilməsini göstərən səviyyələrə düşüb. Bu, həm inkişaf etmiş, həm də inkişaf etməkdə olan bazarlar üçün doğurdur və yavaşlamanın qlobal xarakterini vurğulayır”, – BVF-nin analitik materialında deyilir.
Noyabrın 4-də BVF-nin idarəedici direktoru Kristalina Georgiyeva bildirib ki, qlobal ticarətin parçalanması səbəbindən qlobal ÜDM hər il 1.5% azalacaq. Xanım Georgiyeva Asiya ölkələrinin iqtisadiyyatlarının strukturunda ticarətin həlledici əhəmiyyətinə görə onların iqtisadi itkilərini ÜDM-in 3%-i səviyyəsində qiymətləndirib.
