“Caspian Invest” MMC bank olmayan kredit təşkilatı (BOKT) 2022-ci ili 62 365 manat zərərlə başa vurub. 2021-ci ildə BOKT-un zərəri 11 176 manat olub ki, bu da illik müqayisədə 5.6 dəfə artım deməkdir.
Banker.az bu barədə BOKT-un maliyyə hesabatına istinadən xəbər verir.
Ötən il “Caspian Invest”in faiz gəlirləri 45 min manat (əvvəlki ilə nisbətən 4.3% azalma), faiz xərcləri 1 451 manat (3 dəfə az) təşkil edib.
Bu il yanvarın 1-nə “Caspian Invest”in aktivləri 486 min manat olub ki, bu da illik müqayisədə 19.4% azdır. Bunun 336 min manat müştərilərə verilmiş xalis kreditlərdir. Belə ki, BOKT-un kredit portfeli 27% kiçilib.
