6 C
Baku
Saturday, December 3, 2022

Cenevrədə Azərbaycan və Ermənistan XİN başçıları arasında görüş olacaq – Yenilənib

“Oktyabrın 2-si Cenevrədə Ermənistan və Azərbaycanın XİN rəhbərlərinin görüşü keçiriləcək”.

Bu barədə məlumatı Ermənistan XİN-in mətbuat katibi Vaan Unanyan açıqlayıb.

Xatırladaq ki, tərəflər sonuncu dəfə sentyabrın 20-si Nyu-Yorkda bir araya gəlib. Belə ki, burada ABŞ dövlət katibi Entoni Blinken, Azərbaycan və Ermənistanın xarici işlər nazirləri Ceyhun Bayramov və Ararat Mirzoyan arasında üçtərəfli görüş keçirilib.

***

Oktyabrın 2-də Azərbaycan və Ermənistan xarici işlər nazirlərinin Cenevrədə ikitərəfli görüşü keçiriləcək.

Bu barədə XİN-dən bildirilib.

“Məlum olduğu kimi, iki dövlətin liderlərinin bu ilin 31 avqust tarixli Brüssel görüşü razılaşmasına uyğun olaraq, Azərbaycan tərəfindən sülh müqaviləsi üzrə danışıqların aparılması üçün xarici işlər nazirlərinin görüşünə dair təkliflər verilmişdi. Bununla əlaqədar olaraq bildirmək istərdik ki, Azərbaycan və Ermənistan xarici işlər nazirlərinin 2 oktyabr 2022-ci il tarixində Cenevrədə ikitərəfli görüşünün keçirilməsi nəzərdə tutulur”, – məlumatda deyilir.

MənbəApa
Son xəbərlər
Digər xəbərlər
X