Koronavirus pandemiyası ilə başlayan çoxsaylı lokdaunlar (qapanmalar) səbəbindən iqtisadiyyatı ciddi şəkildə zərərə uğrayan Çin, böhrandan fəal səylər nəticəsində qurtulmaq istəyir.
2024-cü ildə Çin hökuməti tələbat və istehlak məsələsinin həllinə diqqət yetirmək niyyətindədir. Lakin diqqət tələb edən digər sahələr də kifayət qədərdir. Agentlik onlardan ən vacibinin yüksək texnologiyalar sektoru olduğunu qeyd edir. Turizm sahəsi də bu baxımdan əhəmiyyət kəsb edir, bu sektorun inkişaf etdirilməsi ÇXR-in iqtisadiyyatının dirçəlməsinə xeyli kömək edəcək.
