Çin ruslara viza verilməsi qaydalarını sadələşdirib. Beləliklə, ölkəyə səyahət etmək istəyən ruslar iş, təhsil, ailə və digər viza növləri üçün müraciət edə bilərlər. Bunu Çinin Xabarovskdakı baş konsulu Tszyan Syaoyang bildirib.
Banker.az bu barədə “Kommersant”a istinadən xəbər verir.
Xatırladaq ki, koronavirus pandemiyası başlayandan bəri Çin sərhədlərini xarici turistlər üçün bağlayıb. Ölkəyə yalnız diplomatik, xidməti və ya təhsil vizası ilə daxil olmaq mümkün olub. Bir sıra sənədlərə əlavə olaraq, viza üçün müraciət edənlər PCR testinin nəticələrini təqdim etməli və onlardan koronavirusa qarşı peyvənd də tələb olunub.
