“Hazırda banklarda qəbul edilən girovların 70%-ini daşınmaz əmlak təşkil edir”
“Daşınar əmlakın yüklülüyü haqqında” qanun layihəsinin qəbulu Azərbaycanda bu sahədə mövcud olan problemləri aradan qaldıracaq.
Bunu bu gün Bakıda “Daşınar əmlakın yüklülüyü islahatı: nailiyyət və çağırışlar” mövzusunda keçirilən regional konfransda Azərbaycan Banklar Assosiasiyasının (ABA) sədri Zakir Nuriyev deyib.
Onun sözlərinə görə, daşınar əmlakın yüklülüyü sahəsində qanunvericilik bazasnın formalaşdırılması ölkədə orta sinifə aid təqəbənin genişlənməsinə, dayanıqlı iqtisadi artımın təmin olunmasına, özəl sektorun inkişafına gətirib çıxaracaq.
