“Delta Telekom LTD” MMM 2021-ci ili 23 milyon 919 min manat xalis mənfəət ilə başa vurub. 2020-ci ildə şirkətin mənfəəti 19 milyon 119 min manat olub ki, bu da illik müqayisədə 25% artım deməkdir.
Banker.az bu barədə şirkətin maliyyə hesabatına istinadən xəbər verir.
2021-ci ildə “Delta Telekom”un cəmi satışdan gəlirləri 66 milyon 382 min manat (əvvəlki ilə nisbətən 1.3% az), cəmi əməliyyat xərcləri 36 milyon 28 min manat (əvvəlki ilə nisbətən 13% az) olub. İşçi heyəti xərcləri 5 milyon 858 min manatdan 6 milyon 232 min manata çatıb, quraşdırma və kabel işləri üzrə xərcləri isə 6 milyon 897 min manatdan 1 milyon 606 min manata düşüb.
Hesabat dövründə “Delta Telekom”un cəmi aktivləri 176 milyon 868 min manat təşkil edib ki, bu da 2.3% artımdır. Şirkətin öhdəlikləri 8% azalaraq 33 milyon 617 min manat, kapitalı isə 5.3% artaraq 143 milyon 252 min manat olub.
Bildirək ki, Delta Telecom 2000-ci ildən telekommunikasiya və informasiya texnologiyaları bazarında fəaliyyət göstərən Qafqaz regionunda aparıcı operatordur. Şirkətin nizamnamə kapitalı 27 450 manatdır və qnauni təmsilçisi Ramazan Vəliyevdir.
