8 C
Baku
Friday, March 29, 2024

Depozitlərə görə vergi ödəməkdən imtina edə bilərik?

Məlumdur ki, banklarda olan əmanətlər 2016-cı il fevralın 1-dən etibarən yeddi il müddətində vergidən azad edilmişdi, ancaq bu müddət dünən başa çatdı.

Məsələ ilə bağlı vətəndaşları maraqlandıran əsas suallardan biri budur ki, öncədən banka qoyulan vəsaitlər də vergiyə cəlb olunurmu? Əvvəlki illərdə banka depozit yerləşdirən müştəri bağlanan müqavilə şərtlərinə görə məhkəmə yolu ilə vergi ödəməkdən imtina edə bilərmi?

Bunula bağlı Milli Məclisin İqtisadi siyasət, sənaye və sahibkarlıq komitəsinin üzvü Vüqar Bayramov bildirib ki, yalnız fevralın 1-dən sonra əldə edilən gəlirlər vergiyə cəlb olunur: “Burada illik gəlirlərdən söhbət gedir. İlin yekununda fevralın 1-dən sonrakı hissəyə vergi tətbiq olunacaq. Əvvəlki dövrlərdə əldə edilən gəlirlər vergiyə cəlb olunmur”.

Deputatın sözlərinə görə, vətəndaşlar öncədən qoyulan depozitlərlə bağlı məhkəməyə müraciət edə bilməz. Çünki müqavilənin depozitlə bağlı hissəsində Vergi Məcəlləsinə istinad var: “Müqavilədə depozitlərin bütün hallarda vergidən azad olunması ilə bağlı qeyd yoxdur. Banklar müqaviləni Vergi Məcəlləsinə uyğunlaşdırdığına və məcəllə daha üst qanun olduğuna görə onun tələblərinə uyğun olaraq vergiqoyma prinsipləri ilə tənzimlənir”.

MənbəQafqazinfo
Son xəbərlər
Digər xəbərlər