Artıq vətəndaşlar DOST mərkəzlərində xidmətlərdən “onlayn növbə” ilə yararlana bilərlər. Bunun üçün DOST Agentliyinin rəsmi saytına daxil olmaq və əsas səhifədə “onlayn növbə” düyməsinə basmaq lazımdır.
Agentlikdən verilən məlumata görə, ardınca açılan səhifədə xidmət alınacaq mərkəz, xidmət istiqaməti, xidmət tarixi və vaxtını seçməklə, eləcə də, FİN nömrəsi və şəxsiyyət vəsiqəsinin nömrəsini daxil etməklə onlayn növbə əldə etmək mümkündür.
Bundan əlavə, “onlayn növbə” götürərkən, eşitmə və nitq məhdudiyyətli şəxslər üçün surdotərcümə xidmətini seçmək də təklif olunur. Qeyd edək ki, surdotərcümə xidmətindən yararlanmaq üçün “onlayn növbə” götürmək mütləqdir.
