Kənd Təsərrüfatı Nazirliyi yanında Aqrar Xidmətlər Agentliyi “Digital Umbrella” MMC ilə müqavilə bağlayıb.
Banker.az xəbər verir ki, müqavilədə operativ məlumatların idarəedilməsi sistemi üzrə proqram təminatının satın alınması nəzərdə tutulur.
Müqavilənin dəyəri isə 60 min manatdır.
Onu da qeyd edək ki, “Digital Umbrella” MMC 2021-ci ildə dövlət qeydiyyatına alınıb, nizamnamə kapitalı 10 manatdır və qanuni təmsilçisi Ulduzə Xəlilovadır. Şirkətin dövlətə 19 360 manat vergi borcu var. “Dövlət Satınalmaları haqqında” Qanunun 6.2.5-ci maddəsinin tələbləri isə vergi borcu olan şirkətlərin tenderdə iştirakını istisna edir.
