Dubay BƏƏ – nin ən gözəl şəhərlərindən biridir.
Dubay –dəbdəbəli və bahalı bir şəhərdir. Lakin bu şəhərdən zövq almaq üçün şeyx olmaq lazım deyil.
Dubayda ərzaqlar və ictimai nəqliyyat çox ucuzdur.
Dubayda BƏƏ-nin vətəndaşları azdır, burada imiqrantlar üstünlük təşkil edir. Bura kasıb ölkələrdən işləməyə gələnlər çoxdur – Hindistandan, Pakistandan və s. Buna baxmayaraq yerli əhali xaricilərə qarşı çox tolerant yanaşır.
Dubayda piyada gəzmək çox çətindir. Demək olar ki, hər yerdə tikintilər getdiyi üçün piyada yolları azdır. Ən yaxşı nəqliyyat vasitəsi taksi və metrodur.
Burada müasir metropoliten sistemi var.
Dubayda bütün bitkilər süni yetişdiriliblər. Ümumiyyətlə şəhər səhra üzərində salınıb.
Dubayda cütlüklərə əl-ələ gəzməyə icazə verilmir.
Dubayda qanunlar başqa ölkələrə nisbətən daha sərtdir.
Burada göydələnlərin damlarında hovuzlar, futbol meydançaları, təyyarə meydançaları salınıb.
Dubayda yaşayış səviyyəsi olduqca yüksəkdir.
Dubay əslində bir neçə rayonlara bölünmüş kiçik bir şəhərdir. Burada göydələnlər əsasən Maliyyə mərkəzində və Dubay Marinada yerləşirlər.
