Super avtomobillər insanın yüksək statusunun göstəricisidir, üstəlik də Ferrari-yə sahib olmaq insanın əla zövqündən xəbər verir. Lakin kikboksinq üzrə dünya çempionu Ər-Riyad Əl-Azzavi üçün adi super avtomobil azlıq etmiş və o öz Ferrari 458 Spider avtomobilini 200 000 paundluq (333 000 dollar) qızıl örtüyü ilə örtmüşdür.
Qızıl avtomobilin şəkillərini isə London, Kensinqtonda idmançının məşq etdiyi idman zalının yanında yoldan keçən insanlar çəkmişlər.
Ər-Riyad Əl-Azzavi 13 yaşından etibarən kikboksinq ilə məşğul olmağa başlayıb. Özünün bütün karyerası boyunca 6 qat İraq və 2 qat Ərəb çempionu olmuşdur. Keçirdiyi 47 döyüşdən heç birində məğlub olmayıb və 35-ində rəqibini nokauta sala bilib.
