27 C
Baku
Friday, July 19, 2024

Dünyanın ilk ekransız noutbuku “Spacetop” təqdim edildi – Qiyməti

Təl-Əvivdə 61 milyon dollarlıq sərmayə ilə startap olan Sightful noutbuk dizaynını tamamilə dəyişdirəcək məhsul hazırlayıb. İsrail şirkəti fiziki ekranı olmayan qeyri-adi noutbuk təqdim edib. Spacetop adlanan cihazın ekranını yalnız noutbukun sahibi görə bilər.

Banker.az xəbər verir ki, Android əsaslı Spacetop-un ekranı yoxdur və iş masası yalnız istifadəçi əlavə reallıq eynəkləri taxdıqda görünür.

Spacetop nə təklif edir?
Spacetop modelinin alt hissəsinin klassik noutbuklardan çox fərqli olduğunu deyə bilmərik. Sensor panel, klaviatura, barmaq izi skaneri və portlarla təchiz edilmiş plastik korpusa malik kompüterdir. Eynək taxdığınız zaman qarşınıza nəhəng 100 düymlük ekran çıxır. Spacetop-un ən böyük üstünlüyü odur ki, nə etdiyinizi sizdən başqa heç kim görə bilməyəcək. Bu səbəbdən istifadəçilər məxfilikdən narahat olmadan kompüterdən istədikləri yerdə istifadə edə biləcəklər.

Kompüterin xüsusiyyətləri aşağıdakı kimidir:

  • Prosessor: Qualcomm Snapdragon 865 – Kryo 585 səkkiz nüvəli, 3,1 GHz
  • Qrafika: Adreno 650
  • RAM: 8 GB
  • Yaddaş: 256 GB
  • Batareyanın ömrü: Təxminən 5 saat
  • Girişlər: 2x USB C (3.0)
  • Veb kamera 5MP, 2560×1920
  • Əməliyyat sistemi: Spacetop OS (Android Açıq Mənbə)

Qiymət: 2000 dollar

Sightful noutbuku mayın 31-də Kaliforniyada təqdim edəcək. Hələlik bu məhsulu cəmi 1000 nəfər ala biləcək.

k1 k2

Son xəbərlər
Digər xəbərlər