Azərbaycan Respublikası (A.R) Ekologiya və Təbii Sərvətlər Nazirliyinin Kollegiya üzvlərinin dəyişdirilməsinə dair qərar qəbul edilib.
Banker.az xəbər verir ki, bu sənədi Baş nazir Novruz Məmmədov imzalayıb.
Sənəddə deyilir ki, 2002-ci il 12 avqust tarixli 129 nömrəli Qərarını 2-ci hissəsi aşağıdakı redaksiyada verilsin:
“2. Azərbaycan Respublikası Ekologiya və Təbii Sərvətlər Nazirliyinin Kollegiyası aşağıdakı tərkibdə təsdiq edilsin:
Kollegiyanın sədri
- Ekologiya və təbii sərvətlər naziri
Kollegiyanın üzvləri:
- Ekologiya və təbii sərvətlər nazirinin müavinləri;
- Naxçıvan M.R ekologiya və təbii sərvətlər naziri;
- Ekologiya və Təbii Sərvətlər Nazirliyi Aparatının rəhbəri;
- Ekologiya və Təbii Sərvətlər Nazirliyi Aparatının ətraf mühit siyasəti, ekoloji vəziyyətin təhlili və qiymətləndirilməsi şöbəsinin müdiri;
- Ekologiya və Təbii Sərvətlər Nazirliyi Aparatının beynəlxalq əməkdaşlıq şöbəsinin müdiri;
- Ekologiya və Təbii Sərvətlər Nazirliyi Aparatının ekoloji maarifləndirmə və ictimaiyyətlə əlaqələr şöbəsinin müdiri;
- Ekologiya və Təbii Sərvətlər Nazirliyinin Milli Hidrometeorologiya Departamentinin direktoru;
- Ekologiya və Təbii Sərvətlər Nazirliyinin Milli Geoloji Kəşfiyyat Xidmətinin rəisi.”.