Kartın kompromentasiyası – bank kartının məlumatlarının (loqin və parol, PİN-kod, birdəfəlik şifrə, kart sahibinin şəxsiyyət vəsiqəsinin məlumatları və gizli söz) başqa bir şəxsə məlum olmasına deyilir. Bu, həmin kartdan sonrakı istifadəni təhlükəli edir. Çox vaxt kompromentasiya ATM-lər vasitəsilə həyata keçirilir. Fırıldaqçılar ATM-də xüsusi cihaz quraşdıraraq, bank kartlarının dublikatını (“ağ plastik”) hazırlayırlar.

Qiymətləndirmələrə görə, bu baxımdan ən təhlükəli ərazilərə Cənub-Şərqi Asiya, Ukrayna, Bolqarıstan və Misir daxildir. Vəsaitin kompromentasiya yolu ilə çıxarıldığı sübut olunduqda, fırıldaqçıların ələ keçirdiyi məbləğ bank tərəfindən kompensasiya edilir.