Ermənistan Ukraynanın ərazi bütövlüyünü dəstəkləyir.
Bu barədə Ermənistan xarici işlər naziri Ararat Mirzoyan estoniyalı həmkarı Maqnus Tsakhna ilə Tallində birgə keçirdiyi mətbuat konfransında deyib.
Ermənistanın Ukrayna-Rusiya müharibəsinə dair mövqeyi ilə bağlı sualı cavablandıran nazir bildirib ki, onun ölkəsi sülhü, sabitliyi dəstəkləyir və müharibə həmişə pisdir.
“Ancaq eyni zamanda, biz ölkələrin ərazi bütövlüyünü də dəstəkləyirik. Biz yalnız ölkələri müharibəni dayandırmağa çağıra bilərik”, – Mirzoyan əlavə edib.
