“Facebook”da tibbi maskaların reklamına qadağa tətbiq edilib.
Bu barədə “Facebook” şirkətinin məhsul idarəetmə şöbəsinin müdiri Rob Letern “Twitter” hesabında açıqlayıb.
Şirkətin yeni növ koronavirusun yaratdığı xəstəliyin yayılması kontekstində bu məhsula artan tələbatdan sui-istifadənin qarşısını almaq üçün belə etdiyi bildirilib.
“Biz satış üçün təqdim olunan tibbi maskaların reklamını qadağan edirik. İnsanların fövqəladə vəziyyətdən faydalanmağa çalışdıqlarını görsək, lazımi tədbirlər görəcəyik”, – deyə R.Letern qeyd edib. Oxu.az
