ABŞ-ın Federal Ehtiyatlar Sisteminin (FED) balans hesabı ilk dəfə olaraq 7 trilyon dolları keçib. Xatırladaq ki, ötən ilin payız aylarında bu göstərici 4 trilyon dollara çatmışdır.
Banker.az “Vesti.ru”ya istinadən xəbər verir ki, iki qat artım əsasən koronavirus pandemiyası ilə əlaqəlidir. Son bir həftə ərzində FED-in balans hesabı daha 103 milyard dollar artmışdı. Qeyd edək ki, 6 trilyondan 7 trilyondan keçid cəmi bir ay yarım davam edib.
Mart ayında böhran şəraitində xəzinə və ipoteka istiqrazlarının alışı gündə 6 milyard dollara düşüb. Buna baxmayaraq, mütəxəssislər bunda müəyyən çətinliklər görürlər: növbəti altı ayda ABŞ-ın Maliyyə Nazirliyi bazarda 3 trilyon dollar borc almağı planlaşdırır və bu həcmdə istiqrazları kimin alacağı hələdə məlum deyil. Çox güman ki, FED yenidən QE proqramını genişləndirməyə məcbur olacaqdır.