Azərbaycanda 2021-ci ilin fevral ayı üzrə sığorta şirkətlərinin maliyyə vəziyyəti açıqlanıb.
Banker.az bu barədə Azərbaycan Mərkəzi Bankına istinadən xəbər verir.
Ən çox sığorta yığımı edən şirkətlər arasında birinci yeri “Paşa Sığorta” şirkəti tutur. (65 milyon 814 min manat). İkinci yerdə isə 35 milyon 540 min manat olmaqla “Paşa Həyat Sığorta” dayanır. Üçüncü yerdə “Qala Sığorta” qərarlaşıb. (10 milyon 409 min manat).
Fevral ayında ən az yığım edən şirkətlər isə “Bakı Sığorta” (363 min manat), “Naxçıvansığorta” (295 min manat), “Aqrar Sığorta” (19 min manat) sığorta şirkətləridir.
Qeyd edək ki, Azərbaycan Mərkəzi Bankının (AMB) İdarə Heyətinin qərarı ilə “Rəvan Sığorta” ASC-yə verilmiş 15 oktyabr 2009-cu il tarixli lisenziya ləğv edilib.
