“Finoko” Bank Olmayan Kredit Təşkilatı ASC 2021-ci ildə faizlər üzrə və əməliyyat xərclərinin yüksəlməsi hesabına xalis mənfəətini azaldıb.
Banker.az bu barədə BOKT-un maliyyə hesabatına “RSM Azerbaijan” audit şirkəti tərəfindən verilən rəyə istinadən xəbər verir.
BOKT-un gəlirləri 2020-ci illə müqayisədə 2021-ci ildə 13% artaraq 5 725 min manat (5 milyon 725 min) olduğu halda, xərcləri 2.3 dəfə artaraq 2 086 min manat olub.
1 190 manatlıq isə kredit zərərləri üzrə ehtiyatlara ayırma edib.
İnzibati xərclərinin həcmi 2 299 min manat olub. Bu 2020-ci ildə 1 791 min manat idi.
Bununla da xalis mənfəət 54% azalmaqla 1 142 min manata düşüb.
Bu xalis mənfəət onun balansındakı bölüşdürülməmiş mənfəəti 3 585 min manata çatdırıb. 4 855 min manatlıq nizamnamə kapitalı və 833 min manat diər kapitalı ilə onun cəmi kapitalı 9 273 min manata yüksəlib.
BÖYÜK BORCLAR CƏLB EDİR, KREDİTLƏR VERİR
“Finoko” BOKT 2021-ci ildə buraxılmış borc qiymətli kağızlarının həcmini 6 572 min manatdan 17 069 min manata qaldırıb. Onun müddətli borc öhdəliklərinin həcmi 2 777 min manatdan 3 015 min manata yüksəlib.
Audit rəyində göstərilir ki, BOKT-un müddətli borclarının 1 842 min manatı “Dunwich FZE”, 1 028 min manatı Kənd Təsərrüfatı Nazirliyinə və 128 min manatı isə SİF-ədir.
İstiqrazlar üzrə öhdəliyi 9-15% illik ödənişlədir.
Müştərilərə verdiyi kreditlərin həcmi son ildə 24% artaraq 23 096 min manata yüksəlib. Bankın 1 803 min manatlıq ehtiyatlara ayrılmış krediti var.
