Forbes: Bütün dövrlərin ən bahalı hədiyyələri

Forbes jurnalı bəşəriyyət tarixinin ən bahalı və qiymətli hədiyyələrinin siyahısını dərc edib.

1-ci yer: “Koh-i-Noor” almazı

Bəşəriyyət tarixinin ən bahalı hədiyyələri sırasında ilk pillə “Koh-i-Noor” almazına verilib. Bu almaz 1849-cu ildə Britaniya kraliçası Viktoriyaya hədiyyə edilib. 186 karatlıq almazı isə kraliçaya Sinkx dövlətinin sonuncu maxaracası olan Dalip Sinkx bəxş edib.

2-ci yer: 20 milyard dollar

ABŞ-da 1770-ci illərin müstəqillik uğrunda müharibəsinə görə Fransa tərəfindən təqdim edilən 20 milyard dollar Fransada nəhəng maliyyə böhranına və Fransa inqilabına səbəb olmuşdu.

3-cü yer: Cartier mirvarili zinət əşyası

Bu zinət əşyasını 1917-ci ildə bankir Morton Plank öz həyat yoldaşına hədiyyə edib. İndiki dövrün pulları ilə hesabladıqda zinət əşyasının dəyəri təqribən 20 milyon dollar edir.

4-cü yer: Metropoliten muzeyi üçün art-kolleksiya

Milyarder Leonard Lauder 2003-cü ildə özünün 1,1 milyard dollar dəyərində olan art-kolleksiyasını hədiyyə edir. Bu kolleksiyaya Pablo Pikasso, Jorj Brak və digər məşhur şəxslərin sənət inciləri daxil idi.

5-ci yer: Roman Abromoviçdən həyat yoldaşına incəsənət kolleksiyasıRusiyalı milyarder həyat yoldaşına 100 milyon dəyərə sahib incəsənət nümunələrindən ibarət kolleksiya hədiyyə edib. Onlar sırasında Frensin Bekonun rəsmi və heykəltəraş Alberto Cakomettinin 14 milyon dollar dəyərində əl işi də var.

6-cı yer: Elizabet Teylor üçün brilliant

1969-cu ildə aktyor Riçard Berton həyat yoldaşı Elizabet Teylora 68 karatlıq brilliant hədiyyə edir. Hazırda həmin hədiyyənin dəyəri 7 milyon dollar təşkil edir.

7-ci yer: Tac-Mahal

Tac-Mahal XVII əsrdə padşah Şah-Cahanın əmri ilə həyat yoldaşının xatirəsinə inşa edilib. Hesablamalara görə Tac-Mahalın inşasına cari pullarla 827 milyon dollar vəsait sərf olunub.

8-ci yer: Bollivud aktrisası üçün yaxta

2008-ci ildə biznesmen Anil Ambani həyat yoldaşı, keçmiş Bollivud aktrisası Tina-ya yaxta hədiyyə edib. O bu hədiyyə üçün 80 milyon dollar xərcləyib.

9-cu yer: “Şərqin ulduzu” və “Houp” brilliantları

1908-ci ildə milyarder Tomas Uolş qızı Evelinə toyunda “Şərqin ulduzu” brilliantını hədiyyə edir. Bir ildən sonra isə Evelinin həyat yoldaşı ona “Houp” brilliantını hədiyyə olaraq təqdim edir.

10-cu yer: Oğlu üçün dəbdəbəli toy

Həmçinin siyahıya milyarder Mixail Quçeryevin oğlu Said və gəlini Xədicə üçün təşkil etdiyi dəbdəbəli toy da daxil edilib. Qeyd edək ki, toyda Enriki İqlesias, Patrisia Kaas və Cennifer Lopez çıxış etmişdi.