“Böyük Yeddilik” (G7) ölkələrinin liderləri Yaponiyada keçiriləcək sammitdə Rusiyaya qarşı müxtəlif məhdudlaşdırıcı tədbirlərin saxlanması, eləcə də Ukraynaya dəstək kimi məsələləri müzakirə edəcəklər.
Bu barədə Yaponiyanın ABŞ-dakı səfiri Koji Tomita bildirib.
“Sammitdə bir neçə məsələ, o cümlədən Ukrayna münaqişəsinin müzakirəsi prioritet olacaq. Liderlər, şübhəsiz ki, Ukraynaya güclü dəstəyin davam etdirilməsini, həmçinin bu ölkədə infrastrukturun yenidən qurulması və bərpasını müzakirə edəcəklər”, – diplomat Vaşinqtonda keçirilən mətbuat konfransında qarşıdan gələn G7 sammitinin gündəliyini şərh edərkən bildirib.
Qeyd edək ki, Yaponiyanın bu il sədrlik etdiyi G7 liderlərinin görüşü mayın 19-21-də Xirosimada keçiriləcək.
