İyunda Dövlət Gömrük Komitəsi tərəfindən dövlət büdcəsinə daxilolmalar 323 milyon 718 min manat təşkil edib. Bu da öncəki may ayı ilə müqayisədə 7% az olması deməkdir.
Komitədən Banker.az-a bildirilib ki, keçən ay gömrük rüsumları üzrə dövlət büdcəsinə daxilolmalar 85 milyon 916 min manat, əlavə dəyər vergisi üzrə 222 milyon 633 min manat, aksizlər üzrə 12 milyon 175 min manat, yol vergisi üzrə isə 2 milyon 993 min manat olub.
Qeyd edək ki, yanvarda 333.7 mln., fevralda 329.61 mln., martda 327 72 mln. manat, aprel 356.86 mln. manat, mayda isə 348.22 mln. manat təşkil etmişdi.
