“Google” nəhayət ilk ağıllı saatını təqdim edib – Pixel Watch. Yenilik AlwaysOn Display dəstəkli AMOLED displeyi, 2 GB operativ və 32 GB fleş-yaddaş alıb. Qeyd olunur ki, aksesuarın batareya tutumu 294 mAh təşkil edir.
Bundan əlavə, saat dinamik və mikrofonla təchiz olunub, Banker.az bu barədə xarici mediaya istinadən xəbər verir.
Pixel Watch – “Google” və “Fitbit”in birgə yaradığı ilk məhsuldur. Xatırladaq ki, sonuncu “Google”un özünə məxsusdur. Saatın kəmərini çıxarın dəyişdirmək olar. “Google”un təklif etdiyi alternativ kəmərlərin əksəriyyətinin qiyməti 59 dollardır.
Alıcılar pulsuz üç ay müddətinə YouTube Premium və altı ay müddətinə Fitbit Premium alacaqlar.
Pixel Watch-un qiyməti versiyadan asılı olaraq 350 və 400 dollar təşkil edir.
