“Günaybank”ın 2019-cu ildə xalis mənfəəti 2 milyon 174 min manat təşkil edib. 2018-ci ili isə “Günaybank” 1 milyon 289 min manat xalis mənfəətlə başa vurmuşdur. Bu da illik müqayisədə bankın xalis mənfəətinin 2 dəfəyə yaxın artması deməkdir.
Banker.az bu barədə bankın maliyyə hesabatına istinadən xəbər verir.
2019-cu ildə “Günaybank”ın cəmi aktivləri 215 milyon 757 min manat olub. Belə ki, bankın cəmi aktivləri illik müqayisədə 13% artıb. Bankın müştərilərə verdiyi kreditlər isə 2018-ci ilin analoji dövrüylə müqayisədə 9% artaraq 158 milyon 916 min manat təşkil edib.
“Günaybank”ın 2019-cu ildə depozit portfeli isə illik müqayisədə 16% artaraq 81 milyon 569 min manata çatıb .
2019-cu ilin dekabr ayında bankın cəmi öhdəlikləri 2018-ci ilin müvafiq dövrüylə müqayisədə 17% artaraq 151 milyon 380 min manat, cəmi kapitalı isə 5% artaraq 64 milyon 376 min manat təşkil edib.
“Günaybankın” 2019-cu ildə faiz gəlirləri 12 milyon 70 min manat, faiz xərcləri 8 milyon 820 min manat, qeyri-faiz gəlirləri 8 milyon 461 min manat, qeyri-faiz xərcləri isə 8 milyon 370 min manat olub.
Mümkün zərərlər üçün yaradılan məqsədli ehtiyata 21 milyon 457 min manat ayrılıb ki, bu da bankın ili xalis mənfəətlə başa vurmasına səbəb olub.
