Gürcüstanın “Georgian Airways” aviaşirkəti 150 milyon dollara satışa çıxarılıb, bu barədə “Georgian Business Brokerage” assosiasiyasının saytında məlumat verilib.
Banker.az xəbər verir ki, onun sərnişinlərə və digər şirkətlərə borcu 176 milyon lariyə (57 milyon dollar) çatıb. Məhkəmə Gürcüstan Hava Yollarının pandemiya və sərhədlərin bağlanması səbəbindən müflis olması barədə qərar qəbul edib.
“Georgian Airways” 1993-cü ildə yaradılıb, 1999-cu ildə isə Gürcüstanın milli aviaşirkətinə çevrilib.
Bundan əvvəl “AirlineRatings” portalı dünyanın ən təhlükəsiz 20 aviaşirkətinin reytinqini təqdim edib. Birinci yeri “New Zealand Air New Zealand”ın ən böyük aviadaşıyıcısı tutub.
Birləşmiş Ərəb Əmirliklərinin (BƏƏ) milli aviaşirkəti “Etihad Airways” ikinci, Qətərin “Qatar Airways” üçüncü yeri tutub. Qeyd edək ki, heç bir Rusiya şirkəti reytinqə daxil olmayıb.
