Bu ilin yanvar-iyun aylarında Gürcüstanın xarici ticarət dövriyyəsinin həcmi 5 milyard 072,5 milyon ABŞ dolları təşkil edib.
Bu barədə Gürcüstanın Milli Statistika İdarəsindən bildirilib.
İllik müqayisədə bu həcmdə 16,3% azalma qeydə alınıb.
Hesabat dövründə Gürcüstanın ixracının həcmi 1 milyard 503,5 milyon dollar, idxalının həcmi isə 3 milyard 568, 9 milyon dollara bərabər olub. Ötən ilin eyni dövrü ilə müqayisədə ixracın həcmində 15,6%, idxalın həcmində isə 16,5% azalma qeydə alınıb.
Yanvar-iyunda qonşu ölkənin ticarət kəsiri 2 milyard 065,4 milyon dollar olub ki, bunun da ümumi ticarət dövriyyəsindəki payı 40,7%-ə bərabər olub.
