Bildiyimiz kimi, mövcud şəraitlə əlaqədar Azərbaycanda fəaliyyət göstərən bir sıra banklar istehlak kreditlərinin verilməsini dayandırmışdır. İndi isə bir çox banklar kredit verilməsini bərpa edib.
Banker.az olaraq bu dəfə hansı banklarda hal-hazırda kredit verilib-verilməməsini araşdırıb və həmin məlumatları təqdim edirik.
Xatırladaq ki, Mərkəzi Bankın İdarə Heyətinin qərarına əsasən, “AtaBank”, “AG Bank”, “NBC Bank” və “Amrahbank”ın lisenziyaları ləğv edilib.
Günay Bank – Hal-hazırda əmək haqqını bu bankdan alan vətəndaşlara kredit verilir. Prosedur qaydaların yenilənməsi ilə əlaqədar olaraq istehlak kreditlərinin verilməsi müvəqqəti olaraq dayandırılıb.
Pasha Bank – Mövcud vəziyyət ilə bağlı fərdi müştərilərə bütün növ kreditlərin verilməsi müvəqqəti olaraq dayandırılıb. Nəzərinizə çatdırmaq istərdik ki, əməkhaqqınızı PAŞA Bank kartı ilə alırsınızsa kredit müraciəti edə bilərsiniz.
Xalq Bank – Bakı, Sumqayıt, Gəncə və Lənkəran filialları üzrə istehlak kreditləri verilmir. Digər bölgələrdə istehlak krediti müraciətinə baxıla bilər.
