26 sentyabr 2024-cü ildə HMSTR tokeni “Bybit” birjasında rəsmi olaraq siyahıya alınacaq. Listinq spot bazarda baş tutacaq və həmin gün planlaşdırılan “airdrop” ilə üst-üstə düşəcək. Xatırladaq ki, “Hamster Kombat” istifadəçilərin pul qazana biləcəyi kriptovalyuta oyunudur.
Oyunun “airdrop” daxilindəki mükafat məbləğinə aşağıdakılar təsir edəcək: bir saatlıq mənfəət, nailiyyətlər və tamamlanmış vəzifələr, o cümlədən oyun zamanı qazanılan açarlar. Bununla bağlı bütün təfərrüatlar hələ açıqlanmayıb.
Oyun 2024-cü ilin mart ayında işə düşüb. Tərtibatçıların məlumatına görə, avqustun əvvəlinə 300 milyon insan layihədə qeydiyyatdan keçib. Yaradıcılar 1 milyarda qədər istifadəçi cəlb etməyi və bir-birinə bağlı oyunlar və xidmətlər ekosistemi qurmağı hədəfləyirlər.
“Hamster Kombat”ın arxasında “CarPrice” və “CarMoney” xidmətlərinin yaradıcısı Eduard Qurinoviç dayanır. 2024-cü ilin sentyabrında media Qurinoviçin “Arenum” şirkətinin investorları ilə qalmaqalından yazıb. İnvestorlar hesab edirlər ki, o, mənfəəti bölüşməmək üçün layihə ilə əlaqəli olduğunu gizlədib.
