Hindistan 40-a yaxın kanadalı diplomatın oktyabrın 10-dək ölkəni tərk etməsini tələb edib, bu barədə “Financial Times” yazıb. Nəşrin məlumatına görə, Hindistan hakimiyyəti göstərilən tarixdən sonra ölkədə qalan nümayəndələrin diplomatik toxunulmazlığını ləğv etmək niyyətindədir.
Kanada Xarici İşlər Nazirliyi və Hindistan hökuməti bu məlumatı şərh etməkdən imtina ediblər. “FT”nin həmsöhbətlərindən birinin aydınlaşdırdığı kimi, Kanadanın Hindistanda 62 diplomatı var və Yeni Dehli bu sayın 41 nəfər azaldılmasını əmr edib. Nəşr yazır ki, “Kanadanın Yeni Dehlidəki diplomatik missiyasında Hindistanın Ottavadakı diplomatik nümayəndəliyindən onlarla diplomatı var”, lakin dəqiq say açıqlanmır.
Sentyabr ayında Kanadanın Baş naziri Castin Trüdonun Kanadada sikx icmasının liderlərindən birinin qətlində Hindistan kəşfiyyat xidmətlərinin əli ola biləcəyini açıqlamasından sonra iki ölkə arasında münasibətlər pisləşib.
