Hindistan hökuməti texnologiya sektorunun inkişafına və çip tədarük zəncirlərinin qurulmasına 30 milyard dollar sərmayə qoymağı planlaşdırır, Banker.az bu barədə “Kommersant”a istinadən xəbər verir.
Ölkənin Tayvandakı səfirliyi kimi fəaliyyət göstərən Hindistan-Taybey Assosiasiyasının rəhbərinin sözlərinə görə, Hindistan yarımkeçiricilər, displeylər, qabaqcıl kimyəvi maddələr, şəbəkə və telekommunikasiya avadanlığı, batareyalar və elektronika istehsalını inkişaf etdirməyə hazırlaşır.
Mənbədə göstərildiyi kimi, 10 milyard dollar yarımkeçirici, 7 milyard dollar elektronika, qalan 13 milyard dollar isə telekommunikasiya, akkumulyator və s. istehsalına xərclənəcək.
Çip tədarükü ilə bağlı böhran zamanı bir çox ölkə bu sahəyə investisiya qoymağa başlayıb. 2020-ci ildə ABŞ çiplərin inkişafı və istehsalını genişləndirmək üçün qanun qəbul edib. Çiplərin tədarükü ilə bağlı böhran zamanı bir çox ölkələr çip istehsalına aktiv şəkildə investisiya qoymağa başladılar. 2020-ci ildə ABŞ çiplərin inkişafı və istehsalını ölkə daxilində genişləndirmək üçün qanun qəbul etdi. Avropa Komissiyasının rəhbəri Ursula fon der Leyen də Aİ-nin mikroçiplərin inkişafı və istehsalı üçün özünün müasir ekosistemini yaratmaq və Avropa istehsalçılarının bu bazarda payını 20%-ə çatdırmaq planlarını dəfələrlə açıqlayıb.
