Bu gün, dekabrın 15-də Britaniyanın HSBC bankı artıq yeni neft və qaz layihələrini maliyyələşdirməyəcəyini açıqlayıb. Bank bunu iqlim dəyişikliyi ilə mübarizəyə yönəlmiş siyasəti ilə əlaqəli olduğunu deyir.
Banker.az bu barədə “Kommersant”a istinadən xəbər verir.
Bundan əlavə, HSBC energetika sahəsində fəaliyyət göstərən müştərilərdən emissiyaların azaldılması ilə bağlı gördükləri işlər haqqında daha çox məlumat tələb edəcəyini vurğulayır.
Yeni neft və qaz layihələrini maliyyələşdirməmək qərarına gələn HSBC daha əvvəl belə bir qərar vermiş bir sıra banklara qoşulub, o cümlədən “Lloyds”, “ING”, “La Banque Postale” və digərləri.
Əvvəllər ekoloji qruplar HSBC-ni neft və qaz şirkətlərinin maliyyələşdirilməsində kifayət qədər fəal olduğuna görə tənqid edirdilər. Rainforest Fəaliyyət Şəbəkəsinin məlumatına görə, 2016-2021-ci illər arasında bank onlara ümumi məbləği təxminən 55 milyard dollar olan kreditlər və digər maliyyələşdirmə formaları təqdim edib.
