16 C
Baku
Sunday, May 26, 2024

İmran Xana qarşı korrupsiya ittihamı dayandırıldı

İslamabad Ali Məhkəməsi (İHC) Pakistanın keçmiş baş naziri və müxalifətdə olan Ədalət Hərəkatı (JM) partiyasının lideri İmran Xan və onun həyat yoldaşı Büşra Bibinin korrupsiya və xarici hədiyyələrin satışı işi üzrə ittihamları dayandırıb.

Bu barədə Dawn qəzeti məlumat yayıb.

Hakimlər sabiq kabinet rəhbərinin və onun həyat yoldaşının apellyasiya şikayətlərinə baxaraq cəzaların təxirə salınması barədə qərar qəbul ediblər. Onların vəkilləri, İmran Xan və Büşra Bibinin Yaxın Şərq dövlətlərinin liderlərindən alınan dövlət anbarlarından 52 hədiyyənin qanunsuz satışı ilə bağlı fırıldaqçılıq və saxtakarlıq ittihamı ilə 14 il həbs cəzası aldıqları 31 yanvar hökmlərinin tamamilə ləğv edilməsini tələb edirlər.

IHC-nin bu cəzaları təxirə salan hökmünə baxmayaraq, Xan və həyat yoldaşı digər məhkumluqlara görə həbsxanada qalmaqda davam edirlər. Yanvar ayında Xan və keçmiş xarici işlər naziri Şah Mehmood Qureşi dövlət sirri haqqında qanunu pozmaqda ittiham edilərək xüsusi məhkəmə tərəfindən 10 il müddətinə azadlıqdan məhrum edilib. Fevralın əvvəlində məhkəmə keçmiş baş nazir və onun həyat yoldaşını qanunsuz nikaha daxil olmaqda təqsirli bilib və onları 7 il müddətinə azadlıqdan məhrum edib.

Son xəbərlər
 ⁠
Digər xəbərlər