Banker.az Daily Telegraph nəşrinə istinadən xəbər verir ki, İngiltərə bankı üzərində yazıçı qadın Jane Austen-in təsviri olan 10 funt nominalında yeni banknotu təqdim edib.
Banknotun təqdimat mərasimi yazıçının dəfn edildiyi Vinçester şəhərinin kilsəsində baş tutub.
Yeni buraxılan bu pul nişanı hazırda dövriyyədə olan 10 funt nominalında banknotdan ölçüsünə görə 15% daha balacadır.
5 funt sterlinq dəyərində köhnə banknotların dövriyyədən çıxarılmasından sonra Jane Austen kraliça II Yelizaveta ilə funt üzərində təsviri həkk olunmuş yeganə qadın oldu. Qeyd edək ki, 5 funtluq banknotlar Elizabet Fray-ın təsviri ilə buraxılırdı. Yeni banknotlarda isə Uinston Çörçillin təsvirinin yer alması planlaşdırılır.
