“Azərbaycanda son illər müxtəlif səbəblərə görə qarşımızda durmuş milli valyutanın məzənnəsi və dəyər zəncirinin aşağı düşməsi kimi risklər artıq mövcud deyil”.
Bunu Bakıda keçirilən və “Sahibkarlar Günü”nə həsr olunmuş “İqtisadiyyatın inkişafında sahibkarlığın rolu” mövzusunda konfransda iqtisadiyyat naziri Mikayıl Cabbarov deyib.
Onun sözlərinə görə, həyata keçirilən tədbirlər nəticəsində həmin risklərin Azərbaycan iqtisadiyyatına təsirilərinin qarşısı alınıb.
“Ölkəmizdəki sənayə parkları, azad iqtisadi zonalar, aidiyyəti dövlət qurumlarının fəaliyyəti, gömrükdə “Yaşıl dəhliz”lər, əmək və vergi qanunvericiliyi sahəsində aparılan uğurlu dəyişikliklər bu gün yalnız yerli sahibkarlar üçün deyil, həm də xarici ölkələrdə bizə marağı artırır. Biz bu istiqamətdə lazımı dəstəyi verməyə hazırıq”, – nazir qeyd edib.
Azərbaycanda iqtisadi siyasətin növbəti istiqaməti büdcə təşkilatlarının, dövlətə məxsus şirkətlərin daha çox yerli istehsalçılara yönəlməsi olacaq.
Bunu Bakıda keçirilən və “Sahibkarlar Günü”nə həsr olunmuş “İqtisadiyyatın inkişafında sahibkarlığın rolu” mövzusunda konfransda iqtisadiyyat naziri Mikayıl Cabbarov deyib.
“Yerli deyəndə mən kapitalın mənşəyi barədə danışmıram. Üstünlük verərdik ki, bu milli kapitallı şirkətlər olsun, amma birgə müəssisələr də ola bilər. Sirr deyil ki, bir çox hallarda bu imkanları reallaşdırmamışıq. Yaxın vaxtlarda bununla bağlı yeni təşəbbüsə başlanılacaq, onun flaqmanı isə Dövlət Neft Şirkəti (SOCAR) olacaq. Hazırda SOCAR-ın dəyər zəncirinin, satınalmalarının, təchizat zəncirinin yenidən qiymətləndirilməsi gedir. Bu işi də Prezident İlham Əliyevin tapşırığı əsasında, Müşahidə Şurası, şirkətin yenilənmiş rəhbərliyi həyata keçirir. Əsas məqsəd odur ki, yerli iqtisadiyyatda töhfəni və dəyəri necə artıra bilərik? Bu hansı imkanlar açır? Bu sahədə fəaliyyət göstərən hansı sahibkarlarımiz var? Qeyd etdiyim kimi, bu, dövlətin bütün iri təşkilatlarının qarşısında duran əsas hədəflərindən biridir”, – o qeyd edib.
Azərbaycan iqtisadiyyatı koronavirus (COVID-19) pandemiyasından sonra həddindən çox sürətlə bərpa olunub və bu tendensiya davam edir.
Bunu Bakıda keçirilən və “Sahibkarlar Günü”nə həsr olunmuş “İqtisadiyyatın inkişafında sahibkarlığın rolu” mövzusunda konfransda iqtisadiyyat naziri Mikayıl Cabbarov deyib.
“2021 -ci ilin nəticələrinə görə, iqtisadiyyatın bütün əhəmiyyətli sahələrində ümumi daxili məhsulun (ÜDM) artım tempi, sənaye istehsalının artım tempi, qeyri-neft iqtisadiyyatının artım tempi, qeyri neft ixracının artım tempi və 2022-ci ildə onların sürətlənlməsi onu göstərir ki, dövlətin keçirdiyi siyasət istənilən nəticəni verir. Bu o demək deyil ki, biz bütün problemləri həll etmişik. Yəqin ki, heç bir zaman belə gözlənti olmayacaq. Cəmiyyət olduqca, çağırışlar və problemlər olacaq. Biz bu gün nəyi vacib görürük? Sahibkarların fəaliyyətlərin daha da genişləndirilməsi üçün sərmayələrin təşviqi üçün dövlətdən hansı gözləntiləriniz var? Bizim baxışımız maliyyəyə çıxış, dövlətin yeni bazarlara çıxış imkanlarını yaxşılaşdırması, gömrük rüsumlarının, texniki qaydaların daha da yaxşılaşdırılmasıdır”.
