İran 2023-cü ilin martına qədər neft hasilatını sutkada 200 min barel artırmağı planlaşdırır.
Bunu Milli İran Neft Şirkətinin (NIOC) icraçı direktoru Möhsün Xocastemehr bildirib.
Onun sözlərinə görə, artım İranın hasilat gücünü sutkada dörd milyon barrelə çatdıracaq. Möhsün Xocastemehr əlavə edib ki, hazırda İranın hasilat gücü gündəlik 3,838 milyon bareldir.
O, həmçinin ölkənin bu əmtəənin ixracını genişləndirməyə və beynəlxalq bazarlara maksimum imkanlarla qayıtmağa hazır olduğunu vurğulayıb.
