15 C
Baku
Friday, March 29, 2024

İran və Səudiyyə Ərəbistanı XİN başçıları arasında yaxın zamanda görüş keçiriləcək

İran və Səudiyyə Ərəbistanı xarici işlər nazirlərinin yaxın zamanda görüşü keçiriləcək.

Bu barədə İran Xarici İşlər Nazirliyinin (XİN) sözçüsü Nasir Kənani bu gün keçirilən mətbuat konfransında bildirib.

XİN rəsmisi qeyd edib ki, iki ölkənin xarici işlər nazirlərinin İranda görüşü üçün hər hansı bir maneə yoxdur və bu görüş yaxın vaxtlarda baş tutacaq.

Kənani onu da əlavə edib ki, İran və Səudiyyə Ərəbistanı arasında razılaşmanın imzalanması müsbət addımdır və hazırkı mərhələdə ölkələrarası siyasi münasibətlərin bərpası üçün addımlar atılır.

“İran və Səudiyyə Ərəbistanının Tehran və Ər-Riyaddakı səfirlikləri, Ciddə və Məşhəddəki konsulluqları yaxın vaxtlarda yenidən fəaliyyətə başlayacaq” – XİN sözçüsü vurğulayıb.

MənbəApa
Son xəbərlər
Digər xəbərlər