Banker.az xəbər verir ki, İran Milli neft şirkətinin (NIOC) icraçı direktoru Ali Kardorun sözlərinə görə, İran bir gündə təqribən 4 milyon barrel neft hasil edir və bu neftin yarısı Avropaya ixrac olunur.
O həmçinin əlavə edib ki, 21 mart – 21 aprel ərəfəsində ölkədə neft hasilatı təqribi olaraq bir gündə 4 milyon barrelə çatıb. Bununla yanaşı, sanksiyalar zamanı İranda neft hasilatı gündəlik 2,7 milyon barrel təşkil edir ki, bunun da 1 milyonu xarici bazarlara göndərilirdi.
Kardor daha əvvəl qeyd etmişdi ki, ixrac olunan neftə 1 gündə 700 min barrel orta həcmdə qaz kondensatını əlavə etsək, fevral ayında rekord hesab olunan 3 milyon barrel ümumi həcm alınır.
