İsveçrə Milli Bankı koronavirus pandemiyası fonunda uçot faiz dərəcəsini -0,75% səviyyəsində saxlayıb.
Bu barədə tənzimləyicinin dərc etdiyi məlumatda deyilir.
“Koronavirus pandemiyasının iqtisadi inkişafa mənfi təsiri davam edir. Buna görə də İsveçrə Milli Bankı genişləndirici pul-kredit siyasətini davam etdirir. Eyni zamanda, pandemiyanın iqtisadi fəaliyyətə və inflyasiyaya mənfi təsirini azaltmağa çalışır”, – məlumatda qeyd olunub.
Bank inflyasiya üçün uzunmüddətli proqnozunu dəyişməyib. Bununla belə, cari il üçün proqnoz mənfi olaraq qalır (-0,6%). İnflyasiya səviyyəsinin 2021-ci ildə (0,1%) müsbətə dönməsi və 2022-ci ildə bir qədər artması ehtimalı var (0,2%).
