Kanada hakimiyyətinin Çin elektrik avtomobillərinin idxalına 100% rüsum tətbiq etmək qərarı Çində istehsal olunan “Tesla” avtomobillərinə də təsir edəcək.
Bu barədə Kanada hökumətindəki mənbəyə istinadən Reuters agentliyi məlumat yayıb.
Qeyd olunub ki, Ottavanın bu qərarından əvvəl “Tesla”nın Kanada hökumətinə məhsullarının rüsumlarının azaldılması xahişi ilə müraciət etdiyi iddia edilir. Çinə tətbiq edilən tariflərə nəzarət edən Kanada baş nazirinin müavini Kristia Frilandın ofisi şərh verməkdən imtina edib.
CBC telekanalının verdiyi məlumata görə, Şanxayda istehsal olunan “Tesla” elektrik avtomobilləri Sakit okeandakı Vankuver limanı vasitəsilə Kanadaya tədarük edilir.
Söhbət şirkətin ən məşhur brendlərindən – Model 3 sedanından və Model Y krossoverindən gedir.
