1 aprel 2021-ci il saat 11.00-da “Kapital Bank”ın baş ofisinin Badamdar qəsəbəsindəki inzibati binasında (Bakı, M. Müşfiq küçəsi 2E, 3-cü mərtəbə, iclas zalı) bankın səhmdarlarının növbəti ümumi yığıncağı keçiriləcək.
Banker.az bunu Bankın açıqlamasına istinadən xəbər verir.
Yığıncağın gündəliyinə:
- “Kapital Bank” ASC-nin 2020-ci ilin yekunlarına dair maliyyə hesabatlarının təsdiq olunması;
- Bank tərəfindən 2020-ci il maliyyə ilinin yekunlarına əsasən səhmdarlara dividend ödənilməsi;
- 2021-2023-cü illər üçün strateji baxış, missiya bəyanatı, o cümlədən onun əsasında strateji plan layihəsi;
- “Kapital Bank” ASC-nin müşahidə şurasının üzvü Fərid Məmmədovun növbəti dəfə müşahidə şurasının üzvü seçilməsi;
- Digər məsələlər daxil edilmişdir.
Xatırladaq ki, bank 2020-ci il ərzində 302 milyon 698 min manat həcmində xalis mənfəət edib. Hazırda balansında 354 milyon 19 min manat bölüşdürülməmiş mənfəət var.
“Kapital Bank” 2004-cü ildə Birləşmiş Universal Səhmdar Bankının (“BUS Bank”) bazasında yaradılıb. Onun nizamnamə kapitalı 245,85 milyon manatdır. Bankın əsas səhmdarı daxil olduğu “PAŞA Holdinq” MMC-dir.
