“Logitech” şirkəti təkmilləşdirilmiş “şaquli” kompüter siçanını təqdim edib.
Banker.az bu barədə xarici KİV-ə istinadən xəbər verir.
Verilən məlumata görə, yenilik üç rəngdə mövcud olacaq – gümüşü, çəhrayı və qara. Yeni aksesuarın qiyməti 70 dollar təşkil edəcək.
“Şaquli” siçanın əsas fərqləndirici cəhəti əlinizi 57 dərəcə bucaq altında yerləşdirməyə imkan verən baş barmaq dayağının olmasıdır – bu, rahatlıq təmin edir və qolun daha təbii mövqeyinə görə biləkdə yaranan gərginliyi aradan qaldırır.
Siçan “Windows”, “macOS”, “Linux”, “Chrome OS”, “iPadOS” və “Android” əməliyyat sistemlərini dəstəkləyir.
