8 C
Baku
Sunday, January 29, 2023

London Dubayı keçərək, investorlar üçün ən cəlbedici şəhərə çevrilib

London xarici investisiya cəlb edən maliyyə şirkətlərinin sayına görə birinci yeri tutub. “Bloomberg” agentliyi qeyd edir ki, Böyük Britaniya Avropa İttifaqından çıxdıqdan sonra da şəhər investorlar üçün cəlbediciliyini qoruyub saxlayıb.

Banker.az bu barədə “Forbes.ru”ya istinadən xəbər verir.

Vurğulanır ki, ötən il Britaniya paytaxtının şirkətləri 114 maliyyə və peşəkar xidmət layihəsində 600 milyon funt-sterlinq (764 ABŞ dolları) toplayıb. Bu, Londona maliyyə sektoruna investisiya cəlbediciliyi baxımdan Dubay, Sinqapur, Nyu-York və Parisdən üstün olmağa imkan verib. Ümumilikdə, Böyük Britaniya 186 layihədə 1.1 milyard funt sterlinq (1.4 milyard dollar) toplayıb. Bununla da krallıq bu göstərici üzrə ABŞ-dan sonra ikinci yeri tutub (234 layihə).

Böyük Britaniyaya cəlb edilən maliyyə və peşəkar xidmət layihələrinin sayı 2021-ci ildə 8% artıb. Bununla belə, agentlik qeyd edir ki, ölkə hələ pandemiyadan əvvəlki səviyyəyə qayıtmayıb. Pandemiya səbəbindən 2020-ci ildə maliyyə və sığortaya xarici investisiyalar dünya üzrə 30% azalıb.

Fintex şirkətləri (32%) keçən il Böyük Britaniyanın maliyyə sektoruna yatırılan xarici investisiyaların əsas hissəsini təşkil edib. Belə investorlar arasında Avropanın ən bahalı fintex startapı, 2021-ci ildə dəyəri 46 milyard dollar olaraq qiymətləndirilən “Klarna” və Yuri Millerin sərmayə qoyduğu Avstraliyanın “Airwallex” startapı var.

Son xəbərlər
Digər xəbərlər
X