Londonda açılan Azərbaycan məktəbi fəaliyyətə başlayıb.
Böyük Britaniyadakı Azərbaycan diasporunun təşəbbüsü ilə açılan “Britaniya Avropa Azərbaycan Məktəbi”ndə (“British European Azerbaijani School”) Azərbaycan dilinin tədrisi ilə yanaşı, ölkəmizin mədəniyyəti, tarixi və adət-ənənələri də öyrədiləcək. Məktəbdə 4 yaşdan 17 yaşına qədər uşaqlar üçün dərslər keçirilir.
Məktəbin açılmasında əsas məqsəd Azərbaycandan uzaqda yaşayan soydaşlarımızın öz dillərini, tarixlərini və mədəniyyətlərini öyrənmələrinə imkan yaratmaqdır.
