Fox News telekanalı Kaliforniyada məşhur boksçu Məhəmməd Əliyə məxsus olan 1959-cu ilin Mercedes avtomobilinin hərraca çıxarılacağını bəyan edib.
Avtomobil qismən olaraq – bamper, radiator barmaqlığı, düymələr və açarlar daxil etmək şərti ilə – 23 karatlıq qızıl ilə örtülüb. Bununla yanaşı, Mercedes 270 ədəd qiymətli daşlarla, həmçinin brilyantlarla bəzədilib. Onun dəyəri 1,5 milyon dollar təşkil edir.
Daily Mail qəzetinə istinadən verilən məlumata görə, avtomobilin cəmi iki il Məhəmməd Əliyə məxsus olduğu bəyan edilib, daha sonra isə boksçu onu satıb. Hərracın fevralda baş tutacağı bildirilib.
Boksçu Məhəmməd Əli 1960-cı ilin orta ağır çəkidə olimpiya çempionudur. O, həmçinin ağır çəkidə üç dəfə dünya çempionu olub. Öz karyerası boyu dahi boksçu 56 döyüşdə qalib olmuşdu. Keçən cümə günü onun 72 yaşı tamam oldu.
